Gabby milyun-milyon ang demand na TF!

MANILA, Philippines -  Sana naman ay hindi totoo ‘yung tsismis na kaya raw wait to the max si Megastar Sharon Cuneta kay Gabby Concepcion ay dahil nagpapataas ito ng presyo.

May bulungan na tumataginting na P10 million daw ang hinihinging talent fee ni Gabby.

May upcoming movie kasi ang dalawa na matagal nang inaabangan ng mga tagahanga.

Sabi ng isang mataray na tagahanga, “Wag na sana siya (Gabby) magpataas ng presyo noh! Hindi na uso ‘yan ngayon!”

Kokonti na nga lang daw ang gumagawa ng pelikula ay baka masindak pa ang mga producers.

Sa panahong ito, mga bagets star lang ang nagpapapresyo na dictated ng mga may hawak sa kanila.

Sana naman matuloy na ang pelikula ng dalawa na matagal nang hindi nagkakasama.

Vina ayaw na raw  sa mga nega

Masayang nakipagtsikahan sa fans si Vina Morales sa Nepo Mall sa Pangasinan.

May branch kasi doon ang kanyang pamosong Ystilo Salon. Malaking bagay para sa kanyang mga tagahanga ang ginawang pagbisita ni Vina.

Kwento ng singer-actress, masaya raw siya dahil malapit nang i-launch ang kanyang album na Vina@30 na gaganapin sa Sta. Lucia Mall sa March 5.

May kasama siyang bata sa event at special guest naman ang kanyang anak na si Ceana na mahilig din daw kumanta.

Tahimik si Vina pero punung-puno raw siya ng pag-ibig. Ayaw na niya ng mga negang isyu dahil hindi naman ito nakakatulong sa kanyang career.

Oo nga naman!