‘Marce’ lalabas na ng PAR
MANILA, Philippines – Bumagal na ang galaw ng bagyong Marce habang palabas ng Philippine Area of Responsibility (PAR).
Base sa pang-alas-11 weather bulletin ng PAGASA, si Marce ay namataan 395 kilometro sa kanluran ng Dagupan City, Pangasinan.
Taglay nito ang lakas ng hangin sa 85 kilometers per hour malapit sa gitna at bugsong aabot sa 105 kph.
Kumikilos ang bagyo patungong hilaga hilagang silangan sa bilis na 11 kph. Hindi na nakakaapekto ang nasabing bagyo sa bansa at tinanggal na rin ang lahat ng signal sa mga rehiyon.
Inaasahang lalabas ang bagyo sa PAR ngayong Lunes.
- Latest