Lexmark mibugto sa 19-0 record sa supportsave
The United States has issued a travel advisory warning its citizens to be very cautious in their travel plans to Mindanao. File
CEBU, Philippines - Si Sylvester Millevo mikadlit og 19 puntos uban ang tulo ka steals ug duha ka rebounds sa dihang giputol sa Lexmark Stallions ang record 19-game winning streak sa Supportsave Dragons, 62-57 sa Tanduay Athletics CSCC E-Leagues for Basketball Season 13 niadtong Domingo diha sa City Sports Club-Cebu gym.
Mao sab kadto ang labing unang pilde sa Dragons sulod sa upat ka duwa sa Elite Classic, diin sila gi-promote human gilangkat ang kampiyonato sa Evo League sa miaging season nga wa’y pilde sa 16 ka duwa.
Si Bertvincel Santillan miiskor og 13 puntos, samtang si Vill Duero miamot og 12 puntos alang sa Stallions nga milusad og bagsik nga ataki sa sinugdanan, 27-16 nga nakaparatol sa Dragons.
Ang Stallions nakigduyog na karon sa ilang biktima sa ikaduhang dapit sa standings bitbit ang managsamang 3-1 nga baraha.
Sa laing bugno sa Elite Classic, ang Accenture Sharks miarangkada ngadto sa ikatulo nilang sagunson nga daog human gidemolis ang SSI Warriors, 90-52.
Human sa sikit nga kumbati sa sayong bahin, ang Sharks mitagak og 46-24 nga bomba dayon gitak-op ang duwa pinaagi sa nagbagang 19-7 rally aron paglubong sa Warriors og 38 puntos.
Si Ryan Edward Llanos maoy nangulo sa Sharks bitbit ang 18 puntos, samtang sila si Junas Marion Misa ug Archie Batua miamot og 11 puntos matag usa.
Sa Evo League, ang Contact Solutions Flying Lemurs ug The Results Spartans maoy nagsawo sa liderato human misutoy ngadto sa upat ka sunod-sunod nilang daog.
Si Japhet Tuazon adunay 15 puntos sa dihang gitumba sa Flying Lemurs ang Optum Knights, 55-51, samtang si Jade Seno mipatuasik og 24 puntos aron ituboy ang Spartans ngadto sa 84-50 nga pagmasaker sa Streamline. (BANAT NEWS)
- Latest
