Tanduay humahabol sa semis slot
MANILA, Philippines - Patuloy na buhayin ang kanilang tsansa para sa no. 2 spot na may kakambal na outright semifinals berth ang pupuntiryahin ng Tanduay Rhum habang mapanatili namang buhay ang pag-asang makatuntong ng quarterfinals ang target ng Marinerong Pilipino sa pagsalang nila ngayong hapon sa 2017 PBA D League Foundation Cup.
Mauunang sumabak sa dalawang koponang nabanggit ang Skippers kontra sa tanggal nang Gamboa Coffee Mix sa ganap na alas -3:00 ng hapon na susundan ng tapatan ng Rhum Masters at eliminated na ring AMA Online Education sa ganap na alas-5:00 ng hapon.
Kasalukuyang nasa ikatlong puwesto ang Tanduay hawak ang 6-2 panalo-talo, isang panalo lamang ang pagkakaiwan sa pumapangalawang Cignal na may barahang 7-2.
Papapel namang spoiler ang katunggali nilang Titans (1-7) na nauna nang nawala sa kontensiyon kasama ng Zarks Burgers, (1-8) Gamboa Coffee Mix (1-7) at Racal Motors(3-5).
Magbubuhat ang Rhum Masters sa 93-81 tagumpay kontra sa Wang’s Basketball para sa ikatlong sunod nilang panalo na pormal na nagsulong sa kanila sa quarterfinals.
Ngunit hindi iniisip ng Tanduay ang top 2 spots sa ngayon dahil naka focus sila sa intensyong ipanalo ang mga nalalabing laban.
“We have to stay sharp. “Yung focus dapat nandoon lalo na sa transition defense and we’re really putting emphasis on the team’s collective focus,” ayon kay Tanduay coach Lawrence Chongson.
“We’ve got to sustain the momentum.I’ve been here long enough and we know how it works, “ dagdag nito.
Kagaya naman ng Titans, tatangkain ding maka-upset ng Coffee Lovers para sa target nilang magandang pagtatapos sa una nilang pagsali sa liga.
- Latest