Music is hisLife

CEBU, Philippines - “Rejection is the key to reach your dreams in life. Daghan ang ni-reject sa akong talent. Katong gibaliwala rako sa mga tawo kay they think nga I still have more to learn.”

Mao kini ang mga pulong nga gisaysay sa 26 anyos nga taga Pusok, Lapu-Lapu nga si Felix Minor Baoy Jr.

Si Felix kinsa naila sa ilang dapit isip Jan-Jan nagkanayon nga dili sa tanang panahon mo-uyon ang mga tawo nganha kanimo. Usahay, maayo kini, apan mo-abot gyud ang panahon mapul-an na sila nimo. Kinahanglan nga mangandam na gyud sa posibilidad nga lain na usab ang ilang pangitaon aron makahatag sa kalipay nga ilang gipangita.

Dugang pa niya nga kinahanglan nga bukas usab ang huna-huna sa realidad nga kinahanglan nga tarungon ang mga kapakyasan ugmaningkamot aron mas molambo pa sa kinabuhi ug aron dili na masayon-sayon bisan kinsa.

Istorya usab niya nga hapit na gyud siya mawad-an og paglaum aron mopadayon sa pagkanta ug sa pagkab-ot sa iyang“greatest dream”nga mahimong usa ka sikat nga artista. Tungod sa makadaghang higayon nga nabalewala ang iyang talento, matud pa niya nga nangita siya og trabaho.

Nagtrabaho siya kaniadto sa usa ka ilado nga hotel sa Lapu-Lapu isip tig-assist sa mga bata sa kids club. Nalingaw siyasa maong buhat apan naka-amgo siya nga“music is life”gyud ug lisod gyud alang kaniya nga wagtangon kini sa iyang sistema.

Sa wala'y paglangan, gibalikan niya ang iyang unang hinigugma nga mao ang pagkanta. Nisalmot siya og mga nagkadaiyang singing contest aron makahatag og inspirasyon ngadto sa kadaghanan nga dili gyud mahadlok sa mga kapakyasan sa kinabuhi tungod kay parte kini sa pagkab-ot sa kalampusan.

Dakong pasalamat usab niya nga nalakip siya isip usa sa 12 finalists saSinulog Idol sa  miaging tuig gumikan kay usa gyud kini sa iyang damgo nga makatungtong sa entablado sa Fuente OsmeñaCirlce.

“Sukad sa una nagsunod jud ko sa Sinulog Idol. Sila [Sinulog Idol Alumni] ang naghatag nako og guts nga moapilko. Ni-audition gyud ko. Pagdawat nako sa resulta kay ga-balitok-balitok jud ko ato, promise. Gi-videohan gud ko ato sa akong friends kay happy sad kay sila para nako. Grabe jud kaayo akong kalipay atong panahuna,”pagdetalye pa niya.

Nakatatak na usab sa kasingkasing ug hunahuna ni Felix nga mao na gyud ni ang dakong higayon nga mapamatud-an niya nga dili lang pakyas tanan ang iyang nabuhat. Gani, giisip na usab kini niya nga dako nga kahigayonan nga moabli og dakong oportunidad aron makab-ot ang iyang mga tinguha sa kinabuhi.

Wala damha ni Felix nga dili lang sa iyang gihandum nga entablado sa Fuente siya makapasundayag apan ngadto usab sa mga engrande nga hotel dinhi sa Sugbo kun adunay mga dakong kalihukan nga mahitabo.

Giangkon usab ni Felix nga nindot gyud sa pamati ang daghan nga mopakpak ug moshagit samtang siya nagkanta atubangan niini. Matud pa niya nga makapawala kini sa iyang gibati nga kasubo kaniadto sa dihang gibaliwala lang siya sa mga tawo.

Karon nga inanay na nga natuman ang iyang mga pangandoy sa kinabuhi, gusto na ni Felix nga mopadayon sa iyang pagtungha ug magtukod og negosyo aron mahimong  panginabuhian sa ilang pamilya.

Sa pagkakarun makita si Felix sa Lola Nelly's Fushion Restaurant and Bar sa Babag, Lapu-Lapu City uban sa  iyang kabanda nga Simply Echostic ug  regular nga magtukaran matag Sabado.

QandA

BNH:Kinsa ang nagtudlo nimo og kanta?

FELIX:Nakahinumdum ko sa una nga gitudloan ko sa akong papa og usa ka kanta. Iya ipakanta nako basta naa iya mga kauban sa trabaho. Bata pa langko hilig nako mukanta kami sa akong mga ig-agaw, hilig sad ko maminaw og music sa radio maong nakat-on sab ko.

BNH:Unsa ang imong nakat-unan  sa kanunay nimo nga pag-apil og mga  singing contest?

FELIX: Sportsmanship ug nakat-unan sab nako nga ang journey nako as a singer wala natapos  sa akong pagkapildi but sa akong pagkapildi, nagsugod ang akong journey because it opened many doors of opportunities.

BNH:  Unsa ang imong message sa tanang mga tawo nga misalig nimo sa imong pag-apil sa Sinulog Idol?

FELIX: Forever thankful jud ko sa mga tao nga nisalig ug nibilib nako ato nga time. Sa mga nagchat nga wala ko kaila nga nibilib ug ni support jud sila nako ato nga time, mapasalamaton jud kaayo ko ug sa akong mga friends nga every night jud naa sa Fuente para motan-aw sa akong performance labi na sa akong #teamdunggab, team Rangers, AMA friends, JCC, salamat  kaayo. Sa akong pamilya nga todo suporta kaayo especially sa akong papa ug sa tanan, daghang salamat.

BNH: Unsa ang usa ka lesson nga di nimo malimtan sa imong pag-apil sa Sinulog Idol?

FELIX:Katong permi ipa-remind sa amung coaches nga "Be yourself". (BANAT NEWS)