‘Di mapigilan si Lebron
CLEVELAND - Aminado si Toronto star DeMar DeRozan na hindi nila kayang pigilan si LeBron James.
“You find somebody to stop LeBron in these moments, I’ll give you $100,” sabi ni DeRozan.
Kumamada si James ng 39 points para pangunahan ang Cavaliers sa 125-103 paglampaso sa Raptors sa Game Two ng kanilang Eastern Conference semifinals series.
Hinirang si James bilang pangalawang NBA all-time leading scorer sa postseason kasabay ng pag-angkin ng Cleveland ng 2-0 bentahe sa kanilang serye ng Toronto.
Nauna nang tinalo ng Cavaliers ang Raptors sa Game One, 116-105, noong Lunes.
Ang three-point shot ni James sa second half ang naglampas sa kanya kay Kareem Abdul-Jabbar (5,762 playoff points) para sa second place sa ilalim ni Michael Jordan na may 5,987 points.
“I’m feeling pretty good,” sabi ni James. “My teammates do a great job of putting me in position. My coaching staff do a great job of putting me in position to be successful.”
Nakasama rin si James sa grupo nina Ray Allen, Reggie Miller at Manu Ginobili bilang ikaapat na player sa league history na nagsalpak ng 300 playoff three-pointers sa kanyang career.
Ito ang kanyang pang-89 playoff games na umiskor siya ng higit sa 30 points para ungusan si Kobe Bryant.
Si Jordan ay may 109 playoff games na kumamada siya ng higit sa 30 markers.
Umiskor si James ng 17 points sa third quarter para sa 99-73 abante ng Cavaliers laban sa Raptors papasok sa fourth period.
Nag-ambag si Kyrie Irving ng 22 points at 11 assists para sa Cavaliers, nakakuha ng 18 points kay Channing Frye at may 14 markers.
San Antonio, nagposte si Kawhi Leonard ng game- high 34 points, 8 assists at 7 rebounds para tulungan ang Spurs sa 121-96 panalo laban sa Houston Rockets at itabla sa 1-1 ang kanilang Western Conference semis series.
- Latest
