Carcar aduna nay local shelter plan

CEBU, Philippines – Aduna nay Local Shelter Plan ang kagamhanan sa Dakbayan sa Carcar pinasikad sa usa ka ordinansa nga napasar isip kabahin sa Comprehensive Land Use Plan (CLUP) sa siyudad.

Tuyo niini nga mahatagan og barato, desinte ug hamugaway nga pinuy-anan ang mga kabus.

Ang Local Shelter Plan gisuportahan kini sa Housing and Urban Development Coordinating Council sa Rehiyon-7.

Ang populasyon sa Dakbayan sa Carcar moabot na sa 107,323 ka tawo ug gibana-bana nga adunay 21,860 ka panimalay.

Ang mga pinuy-anan sa Carcar nisaka gikan sa 7,197 niadtong 1960 ngadto na sa 19,910 niadtong 2007 diin 36.06 porsiyento ang pagsaka sulod sa 47 ka tuig. - Mary Cris Remata/GMR (BANAT NEWS)