Bliss, nindot ug maayong pagkatahi!

CEBU, Philippines - Linahi nga putahe nga dili common sa publiko. Mao kini ang bag-ong pelikula nga idalit sa award winning director nga si Jerrold Tarog ngadto sa moviegoers.

Ang maong pelikula nag-ulohan og Bliss nga gibidahan ni Iza Calzado. Dili pa lang dugay, nitikang dinhi sa Sugbo  si Direk Jerold  ug Iza alang sa private screening sa maong pelikula nga gipahigayon sa Robinsons Galleria Cebu.

Si Direk Jerold maoy nagama sa nagmalampuson nga Heneral Luna  ug nagmalaumon siya nga kagaton gihapon sa publiko ang  Bliss  nga usa ka psychosexual thriller film.

Unang nikisaw ang pangalan ni Direk Jerold dinhi sa Sugbo kaniadto gumikan sa iyang indie film nga “Confessional” kun diin dinhi sa atong dapit gihimo ang maong proyekto.

Gitataw niya nga wala siya na-pressure sa Bliss bisan pa man nga init kaayo ang paghangop sa publiko sa Heneral Luna.

“Masasabi natin na ibang genre ang pelikulang ito (Bliss), sana magugustohan ninyo ito. Hindi dapat ma-pressure, basta ini-enjoy ko lang ang ginagawa ko,” suma pa niya.

Suma pa sa direktor nga dili lalim ang pagama sa Bliss, gumikan kay kinahanglan ang tulin nga pagsumpay-sumpay sa dagan sa istorya niini.

“Sobrang napagod ako, actually. Di lang kasi siya about logistics. It’s the entire creative process, different kinds of themes and tying them all together,” dugang pa niya.

Kahinumdoman nga nahimong kontrobersyal ang maong pelikula gumikan sa naangkon niini nga “X” rating nga unang gihatag sa  Movie and Television Review and Classification Board (MTRCB).

“ Na- shock talaga ako.  I did not get to explain what happened but in a nutshell, the group who screened the film was not personally offended by it, they were kind of looking after the small conservative group who might get offended by the profanity of the film, thus giving it an X-rating,” saysay pa niya.

Hinuon sa ikaduhang review,  ang MTRCB nihatag na og R-18 nga  rating.

Aminado  ang direktor  nga daghan gyud ang nakuryuso sa maong pelikula ilabi na nga nakalangkat kini og atensiyon sa ubang nasud.  Ang bida niini nga si Iza maoy nakaangkon sa Yakushi Pearl Award for Best Performer sa Osaka Asian Film Festival sa miaging buwan.

Plano karon sa direktor nga  makabaton og R-16  nga version sa maong pelikula nga nagpasabot  nga i-censored  lang ang pipila ka eksena  niini.

Ang maong pelikula naghisgot sa istorya sa kinabuhi ni  Jane Ciego nga gidala ni  Iza kinsa  dugay na nga nisulod sa  showbiz . Naabot ang panahon nga gikapoy na siya sa mga balik-balik nga dagan sa iyang  projects busa nakahukom kini nga mo-prouduce og linahi nga proyekto kun diin target niini nga makabaton og award.

Sa maong dagan sa istorya, daghan og maagian si Jane nga angayan atngan sa viewers.

Dako og garbo alang  kang Iza nga makasuway og linahi nga pelikula  busa todo ang iyang  pasalamat nga nadala siya sa audition sa maong pelikula.

“Iba kasi siya,    nakakapagod talaga   pero hindi naman nasayang ang pagod namin kasi alam namin na maganda ang resulta ng pelikula,’ suma pa ni Iza.

Usa sa dili malimtan niya nga mga eksena nga nakatatak kanunay sa iyang hunahuna mao ang kanunay niya nga paghigda sa katre.

“Hindi ko talaga malilimutan ang bed scenes namin, not the love scene but the scenes just lying on the bed. Being on the bed, waking up to that smoke alarm thing. Alam  ba ninyo,  we did that in one day, over and over again. So when I went home, feeling ko nasa eksena pa ako nang nakahiga na ako pero feeling ko nagtatrabaho pa din ako. I’ve never felt that in my life,” suma pa sa aktres.

Usa sa makapaukyab nga eksena ni Iza mao ang pagtamas-tamas ni  Adrienne Vergara  kaniya  kinsa nidala isip nurse.

“Masasabi natin na uncomfortable but  professional naman kami sa trabaho. Adrienne was the one who was hesitant. Sabi ko, gawin mo na, parang nahihiya siya, kasi first time din niya ginawa yun,” dugang pa ni Iza.

Lahi nga Iza ang masaksihan sa Bliss gumikan kay duna gyu’y pipila ka segundos nga makita ang iyang boobs.

“I would love to do something out of the box. The more challenging it is, the better. Mahirap makakuha ng kakaiba,”matud pa ni iza.

Giangkon ni Iza nga nakatabang sa promosyon sa Bliss ang kontrobersyal nga naagian niini parikular na sa rating nga naangkon niini gikan sa MTRCB.

“Nakakatulong talaga ang controversy , kasi nakukuryuso yung mga tao kung bakit ganyan ang nakukuhang rating ng Bliss ,” matud pa niya.

Gipasigarbo ni  Iza   ang kadaogan niya sa Osaka Asian Film Festival   gumikan kay gibandera gyud niya ang mga Pinoy  kinsa nailhan na sa tibuok kalibutan nga banggiitan sa pagama og mga  pelikula.

“ Hindi ko talaga ini-expect,  kasi  sa Osaka,  walang nominees , kaya aabangan mo talaga kung sino ang pangalang lalabas sa announcement of winners. Sobrang nanginginig ako noong nasa entablado na ako. Sabi ko kay direk, totoo ba ito o panaginip lang. Sobrang saya ko, dahil napansin yung proyekto ko na hindi ko nagawa before,” matud pa ni Iza.

Nagmalaumon sila si Iza ug Direk Jerold nga makauban puhon sa laing proyekto.

Nalakip usab sa  Bliss  sila si  Ian Veneracion, TJ Trinidad, Michael de Mesa, Stephanie Sol, Shamaine Buencamino,  ug Audie Gemora. Molugwa na kini sa mga sinehan karong May 10. (BANAT NEWS)