Nagpaabot sa order gipusil

CEBU, Philippines - Patay ang usa ka tawo nga naglingkod lang sa kan-anan samtang nagpaabot sa gi-order nga pagkaon dihang kalit lang gipusil sa wala hiilhing lalaki sa may Maximo Patalinghug Avenue, Pajo, Dakbayan sa Lapu-Lapu ala una pasado sa niaging kadlawon.Ang biktima giila nga si Randolf Inot Monterola alyas Tidort, 24, nagtrabaho isip production worker sa usa ka pabrika nga nahimutang sa maong dakbayan. Usa ka motorsiklo ang niabot diin ang backrider niini ang nanaug ug niduol sa biktima dayong pusil sa dughan. (BANAT NEWS)