Friendzone
Dear Medyo Maldito,
I’m Mark. Naa lang ko’y question. Naa ko’y nagustohan nga babaye. Nanguyab nako niya twice, ug twice napud ko niya gi-basted. Iyang reason, gahanan siya nga mag sabay lang mi and kanang wala mi relationship. If mupadayon daw ko’g panguyab niya, magpalayo daw siya nako.
Ang akong dili masabtan nga part kay sige gihapon siya’g kuyog nako. Usahay, mangutana siya kung asa ko kay gusto siya makig kuyog nako. Usahay pud, kung mang invite ko niya, mukuyog gihapon siya. So akong question, naa pa ba ko’y chance niya or enough na to’ng twice ko niya gi-basted?
* * *
Mark, ang tubag nako sa imong pangutana? Sakto na to’ng gibasted ka niya’g kaduha. Kay based sa imong story, siya na mismo ang niingon nga kung mupadayon ka’g panguyab niya, mupalayo na siya nimo. There are times nga ganahan ta mukuyog sa tawo di tungod kay in-love ta nila. Ganahan lang gyud ta’s ilang company. Maong ayaw pag-assume nga naa ka’y chance niya.
Nindot lang gyud siguro ka amigohon, pero dili uyabon. Kundili mutual inyong feelings, himoa’g mutual. Kung di siya in-love nimo, ayaw pud og ka in-love niya. Para patas, di ba? Basin dili pa siya ready ma-in a relationship or naa siya’y laing ganahan maong dili siya ganahan manguyab ka. For now, ayaw lang sa’g panguyab niya kung di ka ganahan ma-basted ug mawad-an og amiga.
Mas maayo na lang na’ng makauban nimo imong tawo nga ganahan bahala’g dili kamo kaysa sa pirmi na ka niya likayan. Ayaw na ipugos imong kaugalingon sa tawo nga wala na-inlove nimo. Huna-hunaa na lang nga boy friend gihapon ka niya. Boy ug friend nga naay space, dili boyfriend. Kanang space in between, mao na’ng gitawag nga friendzone.
- Latest