2 Abu Sayyaf utas sa encounter, 1 pa tiklo
MANILA, Philippines - Dalawang pinaghihinalaang miyembro ng mga bandidong Abu Sayyaf Group (ASG) ang napaslang habang isa pa ang nasakote sa magkakahiwalay na operasyon ng militar sa lalawigan ng Basilan, ayon sa opisyal kahapon.
Ayon kay Captain Jo-Ann Petinglay, Spokesperson ng AFP-Western Mindanao Command , ang opensiba ay nagresulta rin sa pagkakabawi ng limang bangkang de-motor na pinaniniwalaang gamit ng mga bandido sa isinasagawa ng mga itong kidnapping for ransom at iba pang uri ng terorismo.
Sinabi ni Petinglay dakong alas – 7:45 ng umaga kamakalawa nang mapaslang ang mga bandidong sina Bistahan Nisalun alyas Upang –Upang at Jaudi Salipuddin; pawang mga tauhan ni Abu Sayyaf Sub Commander Mike Usman.
Ayon kay Petinglay, pinaputukan ni Nisalun ang tropa ng mga sundalo na nagresulta sa shootout na siyang ikinamatay ng mga suspek.
Bandang alas–9 naman ng umaga nang masakote ng tropa ng Army’s 64th Infantry Battalion na nagsagawa ng air strike operation ang isa pang bandido na si Rolly Ikih, 47, may warrant of arrest sa kasong robbery at arson. Nasamsam mula sa suspek ang isang cal 45 pistol at mga bala.
Sa pursuit operation naman sa mga miyembro ng Abu Sayyaf na sangkot sa seajacking at pagdukot sa dalawang tripulante sa Sibago Island noong Huwebes sa pagitan ng Basilan at Zamboanga City ay napuruhan sa shotoout ang bandidong si Salipuddin.
Samantalang binawian naman ng buhay habang isinusugod sa pagamutan si Salipuddin na nakumpiskahan naman ng isang 16 automatic rifles at nasamsam rin ang mga bangkang de-motor na gamit ng mga bandido.
- Latest
