Kapag umuulan

Mula sa bintana ng aming tahanan

Pinanonood ko ang patak ng ulan

Kung minsa’y banayad malakas kung minsan

Dumadagundong pa sa aming bubungan

Sa patak ng ulan aking nagunita-

Ang isang panahong ako’y isang bata

Basta’t umuulan na ako’y natutuwa

Maliligo kami na walang sawa

Sa gitna ng kalye kami’y maglalaro

Sambutan ng bola takbuhang malayo

At kung nadaramang ang ula’y hihinto

Sa mga alulod ay nagpapatulo