Libreng wi-fi aprub

MANILA, Philippines -  Pasado na sa ikatlo at huling pagbasa sa Senado ang panukalang batas na naglalayong maglagay ng mga libreng internet access sa mga pampublikong lugar. 

Labing walong senador ang bomoto ng pabor sa panukala na “An Act establishing the free internet access program in public spaces in the country and appropria­ting funds thereof.”

Kapag naging ganap na batas, magkakaroon ng libreng wi-fi sa lahat ng public basic education institutions; State universities and colle­ges; pampublikong ospital at mga health centers; public parks, plazas, at libraries; public airports, seaports; at mga public transport terminals.