Ryan gipasidunggan

CEBU, Philippines - Nidaog isip Most Trusted TV Presenter ang TV host nga si Ryan Agoncillo sa bag-o lang natapos nga 2017 Readers Digest Trusted Brands Awards. Lakip sa gipasidunggan mao silang Jessica Soho, Mike Enriquez, Vic Sotto, Toni Gonzaga ug Manny Pacquiao nga nakadawat og Trusted Personality Award in the Philippines. Mao  kini ang labing una nga award nga nadawat sa host gikan sa maong award body ug giisip niya kining labing espesyal nga award nga nadawat sa tibuok niyang showbiz career.

Jake nanalipod sa anak

Nibuwelta ang aktor nga si Jake Ejercito ngadto sa iyang  bashers nga nidamay sa iyang anak sa pagpanaway ngadto kaniya. Gi-repost ni Jake ang usa ka mensahe sa usa ka basher nga nibahad nga apilon ang iyang anak sa  pag-bash “Troll on me all you want if it pleases you. But all the fun will stop once you attack my daughter,”paghot pa sa aktor.

Pre-debut shoot

Nilugwa sa usa ka sea goddess-inspired nga pre-debut shoot ang Starstruck VI Ultimate Female Survivor nga si Klea Pineda isip pagpangandam sa 18th birthday niini karong Marso 15. Daghan ang nakauyon sa mga hulagway sa aktres nga gi-upload sa Instagram diin nagsul-ob  kini og white halter gown nga adunay floral nga desinyo.

Shudi masuya

Gipamulong sa aktres nga si Roxanne Barcelo nga wala siya nasuya ngadto sa mga higala niini nga una na nga nagpakasal sa mga partner  niini. “That’s one thing na tinanggal ko early on in my life: insecurity. Kasi ‘yan ang kakain sa isang tao,”butyag pa sa aktres.

Yen mihimakak

Kusganong gihimakak sa aktres nga si Yen Santos ang isyu nga aduna siya'y uyab nga politiko. Dugang pa sa aktres nga tulo na siya ka tuig nga single ug buot niya nga undangan na ang sige og ka- link sa iyang pangalan ngadto sa politiko

Jessy mipasalamat kang Luis

Gipublikar gyud sa  aktres nga si Jessy Mendiola ang sweet kissing photo nila sa  iyang uyab nga si Luis Manzano. Giangkon sa aktres nga iya kadtong gi-post nga hulagway isip pagpasalamat ni Luis sa kanunay'ng kalipay nga gihatag sa aktor ngadto kaniya.

Gimingaw sa Marimar

Gimingaw na pag-ayo si Marian Rivera sa mga eksena niya sa Marimar kaniadto  labi na sa eksena nila sa iro nga si Fulguso.  Ni-post ang aktres sa Instagram og hulagway sa iyang anak nga si Zia kauban ang iro nga ginganlan og Amigo. Tungod sa maong hulagway, nakahinumdon si Marian sa iro nga si Fulguso.