Driver itinumba ng tandem
MANILA, Philippines - Nagpapatuloy ang pagsalakay ng mga killer na nakamotorsiklo sa lungsod ng Caloocan makaraang isang pedicab driver ang panibagong napaslang sa pamamaril na naganap kamakalawa ng gabi sa naturang lungsod.
Nakilala ang nasawi na si Marlon Galauran, 29, ng Elisa Street, Brgy. 23, ng naturang lungsod. Blangko naman ang pulisya sa pagkakakilanlan sa dalawang salarin na nakasuot umano ng bonnet at face masks.
Sa ulat, naghihintay ng masasakyang jeep ang biktima sa kanto ng Tuna Street sa C-3 Road sa tapat ng isang gasolinahan dakong alas-10 ng gabi nang biglang huminto sa tapat niya ang isang motorsiklo at agad siyang pagbabarilin ng magkaangkas na salarin.
Ayon sa pulisya, may rekord umano sa iligal na droga ang biktima at dati na ring nakatok ang kanyang bahay sa ilalim ng “Oplan Tokhang”.
- Latest