Coach sa Hawks gisuspenso

CEBU, Philippines - Gisilotan og usa ka duwa nga suspensiyon ang head coach sa Atlanta Hawks nga si Mike Budenholzer human niya tuyo nga gidasmagan ang referee atol sa ilang duwa batok Cleveland Cavaliers niadtong Sabado.

Si Budenholzer klaro kaayo nga dismayado dihang iya kining gibuhat tungod usab kay wa sila kapiog sa Cavs sa maong duwa diin sila napilde 130-135.

Una siyang miprotesta ug nakiglalis sa referee ug dihang wala siya tagda, iyang gidumbol ang officials rasun nga gitawgan siya og technical.

Si Budenholzer moserbisyo sa iyang suspensiyon karong adlawa atol sa duwa sa Hawks batok sa Indiana Pacers. (LPM) (BANAT NEWS)