Perpetual Help hari ng NCAA men’s beach volley

MANILA, Philippines - Nabawi ng University of Perpetual Help ang talo nila sa nakaraang indoor volleyball tourney matapos angkinin ang  ikalawang titulo sa 92nd NCAA men’s beach volleyball tournament na ginanap sa Moon Bay Marina Area ng SBMA.

Tangan ang twice-to-beat advantage dahil sa kanilang 9-0 sweep sa elimination round, bumangon  ang magkapatid na sina Relan at Rey Taneo Jr. sa deciding game kontra sa Lyceum Pirates, 21-16, 20-22, 17-15  sa championship para masungkit ang titulo.

Nakatikim sila ng unang talo sa mga kamay nina Jhonel Badua at Joeward Presnede ng Lyceum Pirates, 21-15, 16-21, 13-15 sa unang pagtatagpo kaya umabot  sa do-or-die match ng Finals.

“We just want to get the championship title whether its a sweep or not it’s not important. What is the only thing for us is we bring home the crown,” sabi ni Rey, Jr.

Masaya rin ang Taneo brothers dahil nabura nila ang masaklap na pagkatalo sa mga kamay ng Mapua Cardinals sa Finals ng beach volleyball sa  nakalipas na taon at tinalo rin sila ng St. Benilde Blazers sa championship ng men’s indoor tournament  noong nakaraang buwan lamang.

“The team and the school are redeemed in so many ways after what happened last year in this event and in the indoor volleyball last month.  Somehow, the pain of those losses are gone now,” ayon naman kay Relan.

Unang nagkampeon ang Perpetual Help Altas sa men’s beach volleyball noong 2013, pero para sa Taneo tandem ang korona ngayon ay ang pinakamahirap ngunit pinaka-memorable sa kanilang career.

“This is the most unforgettable championship for us because we showed composure when we could have folded,” dagdag ni Relan.

Ang Lyceum Pirates duo nina Badua at Presnede ay umabot sa championship sa unang pagkakataon matapos ibagsak ang Emilio Agui-naldo College Gene-rals nina Joshue Mina at Paolo Cezar, 21-15, 21-15 sa ikalawang round ng stepladder semis.