Inabandonang sanggol iniligtas ng palaboy na aso

Naging talk of the town kamakailan lang ang isang palaboy na aso na si Way dahil sa ginawa nitong kabayanihan sa isang buwang gulang na sanggol na inabandona ng kanyang ina sa nagyeyelong iskinita sa Argentina.

Marahil ay umiral daw ang maternal instinct o pagiging nanay ng asong si Way (na nagkataong ka­pa­pa­nganak lang) nang marinig nito ang umaatu­ngal na sanggol kaya pinuntahan niya ito.

Isinama pa raw ni Way ang kanyang mga tuta para tabihan ang baby nang sa gayon ay makaramdam ito ng init sa katawan.

Kinabukasan ay nakita na lamang ng isang babae na nakatira malapit sa lugar ang sanggol na may kasamang mga aso na umiiyak kaya agad niya itong isinugod sa ospital.

Pati ang mga  rescuer ay  sumang-ayon  na malamang namatay na ang sanggol kung hindi dahil sa bayaning aso.