Misis nagpuslit ng shabu, tiklo
QUEZON, Philippines – Nagkasama na sa kulungan ang mag-asawa makaraang masakote ang misis na tinangkang magpuslit ng shabu sa BJMP headquarters sa Barangay Pahinga Sur, bayan ng Candelaria, Quezon kamakalawa ng hapon. Sa ulat ni P/Supt. Freddie Dantes, chief of police sa bayan ng Candelaria, nakilala ang suspek na si Mildred Solomon ng Barangay Masin Norte. Sa imbestigasyon ng pulisya, nagtungo ang suspek sa BJMP HQ upang dalawin ang asawang si Samuel na nakakulong dahil sa kasong paglabag sa RA 9165. Habang isinasagawa ang body search sa suspek ay nakumpiskahan ito ng 2 plastic sachet ng shabu (9.0921 gramo) na nakalagay sa coin purse. Pormal na kinasuhan ang suspek kung saan magkasama na sila ng kanyang mister na may kaso ring droga.
- Latest