4,000 ‘Martial Law victims’ babayaran na
MANILA, Philippines - Nakatakdang makatanggap ng compensation ang may 4,000 claimants na naging biktima ng Human Rights violations noong panahon ng Martial Law.
Sinabi ni Presidential Spokesman Ernesto Abella, iniharap ng Human Rights victims Claims Board kay Pangulong Duterte ang kanilang desisyon na bayaran ang inisyal na 4,000 claimants.
Sa kabuuan, nasa 30,027 claimants na ang nakakubra ng kanilang kompensasyon sa naging karanasan nila noong panahon ng rehimeng Marcos.
Mayroong 75,730 total claimants subalit sinabi ni ret. General Lina Sarmiento na siyang pinuno ng HRCB, hindi lahat ng biktima ng human rights ay qualified sa kompensasyon at sinasala pa ng board ang mga dapat na makatanggap nito sa ilalim ng Republic Act 10368 o ang batas na nagtatakda ng kompensasyon para sa mga human rights victims noong panahon ng Martial Law.
- Latest
