Gi-post na gyud

Surprisang gibalandra ni Nadine Lustre sa Instagram ang hulagway nila ni James Reid nga anaa sa usa ka sports car sa dihang nagbakasyon sila didto sa Tali Beach, Batangas. Nasayran nga grabe kini ka pribado kun aduna kini kalabutan sa ilang relasyon ni James. Makita sa maong hulagway nga iya kini gigakos ug gihagkan sa aping ang iyang uyab. Aduna usab kini mubo nga mensahe alang kang James: “I miss you already"

Host na sa Korea

Si Sandara Park ang mamahimong host sa iyang unang Korean show nga “Get It Beauty” nga magsugod na sa dili madugay. Magsilbi kining unang proyekto ni Sandara sa Korea human nga opisyal  na nga nagbuwag ang grupo nila nga 2NE1.

Duha ka ticket ang gipalit                                                    

Andam na ang Kapamilya aktor nga si Zanjoe Marudo nga makabaton og bag-ong hinigugma. Matud pa niya nga andam na siya nga mahigugma pagbalik gumikan kay nakamove-on na siya sa iyang mga pakyas nga karelasyon kaniadto. Gani, mipalit siya og duha ka ticket alang sa pagahimuong concert sa Coldplay karong Abril 4 didto sa Manila. “Nung nag-release ng tickets ang coldplay, dalawa ang binili ko. Di ko alam kung kanino ang isa pa. Ini-imagine ko na baka naman pagdating ng Abril ay mayroon na akong kasama.

Pangitaon ang kapalaran

Nagpanikad na karon ang anak ni kanhi Gobernador E.R Ejercito nga si  Jerico Estregan human nalakip sa labing bag-ong batch sa Regal babies nga gilunsad niadtong miaging tuig. Gawas nga usa siya ka atleta, sutaon sad niya ang iyang kapalaran sa kalibutan sa showbiz. Sa iyang unang proyekto karong tuiga, mamahimo siyang kontrabida sa umaabot nga pelikula nga Across the Crescent Moon kun diin makauban niya sila si Matteo Guidicelli ug Alex Godinez.

Deadbeat dad

Gihinganlan ni Claudine Barretto ang iyang asawa nga si Raymart Santiago nga usa ka “Deadbeat Dad” gumikan kay kanunay kining missing in action sa panahon nga kinahanglanon nila kini. Nalandig sa tambalanan ang ilang anak nga si Santino  human  gitipdas sulod na sa tulo ka adlaw. 

Nag-andam og mensahe

Aduna nay giandam nga mensahe ang child star nga si Xia Vigor alang kang International Pop star Taylor Swift kun hatagan siya og higayon nga mahimamat kini sa personal. “Yung una ko pong sasabihin sa kanya, ‘Alam mo ba ate Taylor Swift, favorite kita tapos ang ganda ganda mo tapos gusto ko yung hair mo”, suma pa ni Xia. (BANAT NEWS)