‘Top 2’ sa Toledo sikop
CEBU, Philippines - Giilang top 2 drug pusher sa tibuok Dakbayan sa Toledo ang nasikop sa kapolisan sa buy-bust operation sa Sitio Tunga, bukirang bahin sa Barangay Matab-ang.
Si Romeo Sigue Juarez alyas Jessie, 35, taga Sitio Luwas, nasikop sa operasyon nga gipangulohan ni Police Superintendent Samuel Mina Jr.
Nakuha gikan sa suspek ang duha ka medium-size nga putos sa gituohang shabu, laing 19 ka gagmay nga putos ug duha ka tag P100 nga marked money.
Mokabat sa P48,000 ang balor sa shabu nga nasakmit.
Ang suspek nag-atubang na og kasong kalapasan sa paghupot og ginadiling drugas sa sala ni Judge Hermes Montero ug Judge Ruben Altubar sa Dakbayan sa Toledo ug giila kining top 10 most wanted sa siyudad, top ten high value target nga gituohang makabaligya og 25 ka gramos sa shabu matag semana ug target usab kini sa Oplan Sikop Tuyok sa ikatulong distrito sa probinsiya. – BANAT NEWS
- Latest
