Tandem todas sa checkpoint
MANILA, Philippines - Patay ang riding-in tandem matapos na hindi na huminto sa isang checkpoint at pinaputukan ang mga pulis sa bayan ng Baras, sa Rizal, kahapon. Isa sa mga suspek ay nakilala sa pamamagitan ng kanyang driver’s license na si Benwildo Matan, habang inaalam pa ang pagkakakilanlan ng isa. Sa ulat, dakong ala-1:01 ng madaling araw nang matiyempuhan ng mga tauhan ng 2nd Maneuver Platoon ng Rizal Provincial Public Safety Company (PPSC) at mga elemento ng Baras Municipal Police Station (MPS), ng Baras, Rizal ang mga suspek sa isang joint checkpoint operation sa Parapet Road, Ynares SV9, Brgy. Pinugay, Baras. Sa halip na huminto, nilampasan umano ng dalawa ang checkpoint at humarurot patungo sa Sitio Riza, sanhi ng habulan. Bigla umanong sumemplang ang mga suspek, ngunit sa halip na sumuko ay pinaputukan ng baril ang mga pulis sanhi ng engkuwentro at pagkasawi ng dalawa.
- Latest