Kailangan ng malaking pera para maidaos ang Pacquiao-Horn fight sa Australia
MANILA, Philippines - Higit sa $5 milyon ang kakailanganin ng Duco Events para mapamahalaan ang bakbakan nina Manny Pacquiao at Jeff Horn, ang pinakamalaking boxing event na maaaring mangyari sa Australia, sa Abril 23 sa Suncorp Stadium sa Brisbane.
Ayon kay Queensland tourism and major events minister Kane Jones, handa silang makipag-usap sa Duco Events, ang promoter ni Horn na tubong Brisbane, Australia, para sa nasabing laban.
“Suncorp Stadium is one of the best outdoor sporting venues in the country so I think Queensland would be at an advantage compared to other states,” sabi ni Jones sa nasabing 52,500-seat venue.
“There isn’t a bad seat at Suncorp so we’ve got a real home advantage in having such a great stadium here that would be the perfect place to hold a fight of this magnitude,” dagdag pa ng opisyal.
Ngunit bago pumayag ang Queensland na idaos ang laban nina Pacquiao at Horn sa Abril 23 ay gusto muna nitong makasiguro na maibabalik ang kanilang ilalabas na pondo.
“Like any deal, we always have to look at value for money for taxpayers,” wika ni Jones.
Kung hindi ito magagawa ng Australia ay ililipat ni Bob Arum ng Top Rank Promotions ang bakbakan ng 38-anyos na si Pacquiao at ng 28-anyos na si Horn sa United States o sa United Arab Emirates.
Kamakailan ay inihayag ni Arum ang pagkakaplantsa ng pagdedepensa ni Pacquiao (59-6-2, 38 KOs) para sa kanyang suot na World Boxing Organization welterweight title laban kay Horn (16-0-1, 11 KOs).
Si Horn, dating school teacher, ang No. 2 contender para sa WBO belt ni Pacquiao. (RCadayona)
- Latest
