Nahuling magkapatong Misis at lover, pinaaresto ni mister

TUGUEGARAO CITY, Cagayan , Philippines – Hindi na nakapagtimpi ang isang 32-anyos na magsasaka matapos niyang ipadampot sa pulisya ang kanyang misis at kanilang kagawad na nasaksihan niya sa aktong nagtatalik sa bahay ng huli sa Barangay Villa Beltran, Ramon, Isabela kamakalawa. Sinabi ni Isabela chief investigator Supt. Manuel Bringas, dakong alas- 11:00 na nang gabi natapos ang paghahanap ni Regie Liwag sa misis niyang si Mary Ann Liwag, 31, sa mismong salas ng bahay ni Kagawad Orlando Imus. Ayon kay Bringas, sa halip na tadyakan ang magkalaguyo na parang nag­lilingkisang sawa sa sahig ay minabuti na lamang ng mister na tumawag ng tulong sa mga pulis na kaagad namang nagresponde sa crime scene. Nabatid sa maluha-luhang mister na hindi niya nagawang saktan ang misis dahil mahal pa rin niya ito kahit sinampahan niya kasama ang kalaguyo nito ng kasong kriminal.