Riding-in-tandem na lasing dedo sa semplang
MANILA, Philippines – Nasawi ang dalawang lalaki na sakay ng isang motorsiklo matapos na sumemplang nang mawalan ng kontrol sa pagmamaneho kamakalawa ng gabi sa Malabon City.
Ang dalawang nasawi ay kinilalang sina Edwin Cabanesas at Anthony Alcober, kapwa nasa hustong gulang at residente ng No. 97-F. Yanga Street, Brgy. Maysilo, ng naturang lungsod.
Sa ulat ng Malabon City Police Traffic, bago naganap ang insidente dakong alas-11:45 ng gabi sa kanto ng M.H. Del Pilar at Villarbo Streets sa Brgy. Tinajeros ay nakikipagkarerahan umano ang mga biktima sa isa pang motorsiklo hanggang sa mawalan ng kontrol at sumemplang sa gutter ng kalsada.
Nasawi ang dalawang biktima dahil sa matitinding pinsala sa ulo at katawan dulot ng hindi pagsusuot ng crash helmet.
Lumalabas na galing umano ang dalawa sa isang inuman sa isang fiesta sa Brgy. Dampalit nang magdesisyong umuwi.
- Latest