Parade ni Kylie Verzosa natabunan ng libing ni FM Sarah sumipot sa concert ni Matteo

Joshua at Sandro damay sa salpukan ng Aquino at Marcos

SEEN: Dalawang pelikula ng newcomer na si Ronnie Alonte ang kasali sa Metro Manila Film Festival 2016, ang Vince & Kath & James ng Star Cinema at Seklusyon ng Reality Entertainment. Pinag-uusapan si Ronnie dahil sa kanyang alleged video scandals sa Internet.

SCENE: Sinuportahan ni Sarah Geronimo ang 10th anniversary concert sa Cebu City ng kanyang boyfriend na si Matteo Guidicelli noong Biyernes.

SEEN: Apektadung-apektado sina Jim Paredes at Leah Navarro sa paglilibing sa labi ni ex-President Ferdinand Marcos sa Libingan ng mga Bayani noong Biyernes. Parang 1986 uli ang pakiramdam nina Paredes at Navarro.

SCENE: Damay sa mga paninira sa mga Marcos si Sandro, ang anak ni former Senator Bongbong Marcos. “Pangit si Sandro” ang nakasulat sa placard ng mga nag-rally laban sa paglilibing kay Marcos sa Libingan ng mga Bayani.

SEEN: Nadamay din sa away ng mga supporter ng mga Aquino at Marcos ang anak ni Kris Aquino na si Joshua dahil sa personal na paninira kay Sandro Marcos.

SCENE: Halata sa mga eksena ni Jeric Raval sa Working Beks na nagkaedad na siya kaya kapani-paniwala ang sinabi niya kay John Lapus na 56-years old na siya.

SEEN: Payag si Sanya Lopez na mag-pose ng sexy para sa mga men’s magazine dahil ipinagmamalaki niya ang kanyang seksi na katawan.

SCENE: Natabunan ng mga balita ng paglilibing kay ex-President Ferdinand Marcos sa Libingan ng Mga Bayani ang homecoming parade ni Miss International 2016 Kylie Verzosa sa Araneta Center noong Biyernes.

SEEN: Tungkol sa mga domestic helper sa Hong Kong na nangarap na ma­ging beauty queen ang kuwento ng Sunday Beauty Queen, ang documentary movie na official entry sa Metro Manila Film Festival (MMFF) 2016.