2 drug pusher todas, 9 timbog
MANILA, Philippines – Dalawang lalaki na umano ay drug pusher ang nasawi habang siyam ang nasakote sa magkahiwalay na drug operation kamakalawa sa Caloocan City at Quezon City.
Sa Caloocan City ay napatay ang suspek na si Sandae Corsino, 24, ng No. 265 Marulas-A St., Brgy. 36, Caloocan naaresto ang apat nitong kasama na sina June Ignacio, 44; Elmer Consul, 34; Crispin Reyes, 21; at Alfredo Ruiz, Jr., 47.
Nabatid na nagsagawa ng Oplan Galugad ang mga pulis dakong alas-4:40 ng hapon sa tapat ng bahay ni Corsino sa may Marulas-A Street, Brgy. 36 nang maaktuhan ang limang lalaki na nagsasagawa ng tranksaksyon sa iligal na droga.
Dito ay pinutukan umano ni Corsino ang mga pulis na hindi tinamaan kaya’t gumanti na ikinasawi ng una.
Napatay naman ng QCPD ang isang 18-anyos na si Julius Vargas, ng Brgy. Old Balara, Quezon City nang manlaban sa isinagawang anti-drug operations sa isang bahay na ginagamit na drug den na ikinaaresto ng lima na nagsasagawa ng pot session kamakalawa ng alas-3:30 ng hapon.
Ang mga naaresto naman ay sina Bernie Vargas, 28; Gerald Motera, 19; Roland Perante, 32; Paciano Vargas, 21; at isang 16 anyos na binatilyo pawang mga residente sa nasabi ring lugar.
Nabatid na nakatanggap ng impormasyon ang PS-6 mula sa isang concerned citizen kaugnay sa umano’y drug den sa naturang bahay.
- Latest
