Lady Troopers balik sa porma, HD Spikers pinayuko
MANILA, Philippines – Nagbalik ang bangis ng RC Cola-Army nang ratratin nito ang Cignal, 25-13, 25-15, 25-10 upang makabalik sa porma sa Philippine Superliga (PSL) Grand Prix na dumayo sa Imus City Sports Complex sa Cavite.
Pinangunahan ni FIVB World Championship veteran Jovelyn Gonzaga ang Lady Troopers sa pagkopo ng ikatlong panalo sa pitong laro.
Naglista si Gonzaga ng 16 puntos habang nakatulong nito si Honey Royse Tubino na tumipa ng siyam na puntos gayundin si import Hailey Ripley na may walong attacks.
“This is how we play. This is the Army team I used to know. We trained hard for this and vowed to correct all the previous mistakes we had in the past. We analyzed those things and we agreed to work hard to win our remaining games. I hope things would be well,” ani RC Cola-Army coach Kungfu Reyes.
Umaasa si Reyes na magsisilbing pampalakas ng loob ang kanilang panalo sa Cignal bago muling humarap sa panibagong giyera laban naman sa All-Filipino titlist F2 Logistics.
“That should serve as a litmus test for us. We know F2 (Logistics) also wants to claim that third spot in the playoffs. This win is a good jump-off point before our game against F2 (Logistics),” wika pa ni Reyes.
Sinamantala ng Lady Troopers ang pagkawala ni Olympian Lynda Morales sa panig ng HD Spikers upang makapagtala ng kaliwa’t kanang atake sina Gonzaga, Tubino at Rachel Anne Daquis.
Tanging si American import Laura Schaudt ang nagsilbing liwanag sa hanay ng HD Spikers nang umiskor ito ng limang kills at dalawang aces.
Lumubog sa 1-5 ang Cignal.
- Latest
