Hulihin, mga pedicab na nagka-counter flow sa North Ave., Quezon City
Tinatawagan ko ng pansin ang mga kinauukulan sa Quezon City na hulihin ang mga pedicab na nagka-counter flow sa North Avenue, malapit sa Trinoma Mall. Lubhang delikado ang ginagawa ng mga pedicab driver na ito sapagkat maaari silang mabangga sa naturang lugar. Malalaking truck ang dumadaan sa North Avenue at masagi lamang sila ay tiyak na babaliktad ang pedicab.
Ang mga pasaway na pedicab driver ay kumukuha ng pasahero sa Agham Road at dinadala sa Trinoma o sa Mindanao Avenue sa tapat ng Veterans Hospital.
Bakit walang ginagawang aksiyon ang mga awtoridad sa QC para masawata ang mga pasaway na pedicab driver. Hihintayin pa bang may mamatay dito bago kumilos. Hulihin sila at huwag nang hayaang makadaan sa lugar. Kumpiskahin ang mga pedicab at laging bantayan ang lugar.
Salamat po. ---ALBERTO MA. LINGAT, Pag-asa, Quezon City
- Latest