Duha nadakpan tungod sa drugas
CEBU, Philippines - Duha ka mga gidudahang drug pushers ang nadakpan diha sa Brgy. Dawis Norte, Lungsod sa Carmen alas 3 pasado ang takna sa miaging hapon. Si Senior Police Officer 3 Danilo Laurente sa Carmen Police Station miila sa nadakpan nga mao sila si Kerwin Medilo Bolabog alyas Kerwin James Bolabog Sanico, 25, ug ang babayeng si Perly Berog Sanico, 26 nga pulos nagpuyo sa maong dapit.
Matud pa ni Laurente nga ang team nga gipangulohan sa ilang hepe nga si Chief Inspector Christian Torres uban ni Senior Police Officer 4 Renerio Macasucol maoy naghimo sa maong pagpangronda.
Gihimo kini base sa giluwatan nga search warrant gikan sa korte sa Dakbayan sa Bogo nga gisaksihan usab sa mga opisyales sa barangay.
Nasakmit gikan sa mga dinakpan ang lima ka gagmay nga paketeng shabu ug mga drug paraphernalia.
Unang nadakpan sa buy-bust operation ang igsuon ni Bolabog nga si John Carlo, 23, nga nagpuyo gihapon sa maong dapit ug nakuhaan og tulo ka gagmay nga paketeng shabu ug mga kahimanan sa pagsuyop niini. (BANAT NEWS)
- Latest