DOJ prosecutor utas sa tandem
MANILA, Philippines – Hindi na umabot ng buhay sa ospital ang isang maysakit na piskal nang ito ay pagbabarilin ng riding-in-tandem criminals malapit sa Hall of Justice, Brgy. Dahican, Mati City, Davao Oriental kahapon ng umaga.
Ang biktima ay kinilalang si Fiscal Rolando Acido, City Prosecutor na kahit paralisado ang kalahating katawan bunga ng ‘stroke’ ay nagtratrabaho pa rin ito.
Batay sa ulat, bago nangyari ang krimen bandang alas-8:40 ng umaga ay kasalukuyang naglalakad patungo sa Mati Hall of Justice nang sumulpot sa lugar ang mga salarin at agad na pinagbabaril ng mga suspek ang biktima na nagtamo ng mga tama ng bala sa katawan.
Duguang napalugmok sa insidente habang mabilis namang nagsitakas ang mga salarin.
Kabilang sa sinisilip ng mga otoridad na motibo sa krimen ay ang mga hawak nitong kaso ukol sa droga.
- Latest