Brgy Lahug, Cebu City
"Hangyo mi sa mga opisyal sa barangay o mga polis nga badlungon nila ang estambay diha sa Salinas Drive kilid sa karsada kay mga bastos kaayo, sige’g bugal-bugal namong mga babaye inig agi namo. Mga adik kaayo’g mga nawong.”
Brgy Capitol-Site, Cebu City
"Kining basura namo diri halos dili na man kuhaon sa mga garbage collector sa among barangay, pero sa ubang mga lugar nga tingali maghatagan nila’g kuwarta kanunay man adtoon.”
Brgy Bankal, Lapu-Lapu City
“Unsa man ning among siyudad exempted sa pagpatuman sa TUKHANG? Daghan pa man gud nga mga adik ug pusher diri, labi na diri sa Sitio Mahayahay, daghan kaayong mga adik pero wala gyuy polis nga niari diri para manakop.”
Brgy Guizo, Mandaue City
“Unsa man ning karsada dapit sa simbahan sa Mormons nga daghan man kaayong mag-parking nga mga sakyanan. Gihimong parkinganan sa uban bisa’g naay nakabutang nga "no parking sign" unya maglisod nag agi ang ubang mga sakyanan panahon sa hapon kay gamay na lang ang karsada.”
Brgy Kansi, Tuburan, Cebu
“Kinsa diay nagreklamo nimo sir bahin sa gubaon nga karsada diri sa among barangay? Panaot ra na ila sir sa among mayor kay wala may bati nga karsada diri sa Brgy Kansi, pamolitika na man tingali nang ilang pagreklamo?”
Brgy Estaca, Compostela, Cebu
“Naa pa may daghang adik diri sa Sitio Ipil-Ipil. Human na man unta ni sila’g Tukhang pero namalik ra man gihapon sa ilang bisyo. Maayo unta’g madakpan na sila para maibanan ang mga badlungon.”
Brgy Kasambagan, Cebu City
“Naunsa na man ning tubig sa MCWD diri sa among lugar sa Sitio Panagdait nga wala namay agas-agas. Moagas man tuod pero panahon na sa kagabhion unya hinay ra pud kaayo.”
Brgy Tuyom, Carcar City
“Naay polis diri nga nadestino karon sa Bohol kanunay man namo nga makit-an sa buwangan inig-uli ana niya diri sa among lugar matag Domingo, unya apil pa gyud na siya sa hantak nga unta klaro man kaayong illegal.”
Brgy Kalubihan, Cebu City
“Unsa may angay namong buhaton aron mahunong ning mga tawong kusog manghingi og tag P5 sa mga driver og PUJ nga moagi sa dalan Colon kay hasol na kaayo namong mga driver.”
Brgy Hipodromo, Cebu City
“Wa man gihapon ma-Tukhang ang mga adik ug drug pusher sa among lugar daghan pa kaayo. Naa diri sa Kennedet street ang daghang namaligya og tiggamitan og ilegal nga drogas.”
Brgy Nasingin, Getafe, Bohol
“Angayan susihon pag-ayo sa gobiyerno ang problema kabahin sa 4p's kay nakabantay mi nga naay daghang mga magic2x. Dunay pamilya nga way bisag usa ka anak pero magsige gihapog dawatan og benepisyo gikan sa gobiyerno.”
Alang sa inyong mga reklamo txt lang sa 09326425494
- Latest
