Tinabangay batok dengue

CEBU, Philippines - Nisugyot si Gobernador Hilario Davide III nga mas maayo pa nga magtinabangay na lang ang Department of Health ug Provincial Health Office sa pagsanta sa dengue sa Lalawigan sa Sugbo.

Kini human gikwestiyon sa DOH ang pagdeklarar sa kagamhanan sa probinsiya og dengue outbreak sa tibuok lalawigan nga gihulagway nga dili patas sa ubang local government units nga wala pay kaso sa dengue.

Gidepensahan ni Davide ang rekomendasyon sa PHO ilabi na nga buwag na ang trabaho niini gikan sa DOH.

"So ang ako unta, respetuhon ang devolution, imbes ilang i-contradict, tawagon ang PHO aron metingan aron makatabang ang DOH,” matud ni Davide. (BANAT NEWS)