Sinisingil ang Anak
Madalas marinig sa mga magulang ang lintanya ng mga hugot lines kung ano ang sakripisyo ng kanilang ginawa kaya naitawid ang pangangailangan ng mga anak. Hindi masama na ipaalam sa mga bata, para hindi rin nila sayangin ang mga pinaghihirapan ng mga magulang.
Pero mali ang ipamukha sa mga anak ang mga pinagdaanan ng magulang na naghahangad ng kapalit bilang utang na loob mula sa mga bata. Kung akala ng mga magulang para makonsensiya ang anak, gumawa ng tama, at mag-aral ng mabuti, maling paraan ito. Kausapin lang ng maayos at masinsinan ang anak. Pero hindi dapat sinisingil sa mga anak ang mga sakripisyo ng magulang. Karapatan ng bata na palakihin at bigyan sila ng magandang buhay ng kanilang magulang. Pero walang anak ang accountable sa kaligayahan ng kanilang mga magulang.
Kaya hindi rin dapat nagdi-demand ang magulang sa anak na magsakripisyo rin para lang sa kaligayahan nilang nanay at tatay. Hindi responsibilidad ng bata ang happiness ng magulang.
Pero ang magandang parte, maraming anak ang kusang loob na nag-aabot na sinusuklian ang pagmamahal at pag-aaruga ng kanilang mga magulang.
- Latest