Ipinagpalit sa Mas Bata
Dear Vanezza,
Almost 20 years na kaming kasal ng mister ko. Ngayong teenager na ang dalawa naming anak, nanlamig na ang aming pagsasama. Pinili niyang pakisamahan ang kanyang nobya nang malaman ko ay kasing edad ng aming anak. Gusto ko pong manatili ang respeto ko sa aking sarili kaya hindi na ako naghabol. Sakaling magsawa siya sa kerida niya, wala na siyang mababalikang pamilya dahil desidido na akong iwan siya. May nanliligaw po sa akin ngayon pero nadala na kasi ako kaya wala ito sa aking prayoridad. - Mimi
Dear Mimi,
Hindi mo nabanggit kung nagharap ka ng legal separation. Pero mahalaga na naipakita mo at napanatili mo ang iyong dignidad kahit masakit ang karanasang idinulot ng asawa mo. Kung makakatagpo ka ng lalaking magmamahal sa iyo at mamahalin mo rin, hindi mo dapat pagkaitan ang sarili na muling lumigaya. Nawa’y matamo mo ang kaligayahan at katiwasayan para sa inyong mag-iina.
Sumasaiyo,
Vanezza
- Latest