Buhing Kalbaryo di na sa Guadalupe
CEBU, Philippines - Masaksihan gihapon ang pagpasundayag sa Buhing Kalbaryo sa Siyudad sa Sugbo karong Biyernes Santo apan dili atubangan sa simbahan sa Guadalupe.
Ang overall chairman sa kalihukan nga si kanhi Cebu City mayor Michael Rama niingon nga wala na sila nangayo og ayuda sa kagamhanan sa siyudad sanglit sayud siya nga isalikway lang kini.
Ang kalihukan ipahigayon sa San Nicolas De Tolentino Parish ug ang paglansang sa krus anha na ipahigayon sa luna ni Eric Espina.
Ika-20 ka tuig na nga ipahigayon ang Buhing Kalbaryo nga usa ka pasundayag nga magpakita sa kinabuhi ni Hesukristo sa wala pa kini gilansang sa krus ug namatay sa Mt. Calvary.
Matud sa director sa Buhing Kalbaryo, Jojo Labella, duna silay tabang nga nadawat gikan sa mga pribadong kompaniya nga dugay na nga nagpaluyo sa kalihukan.
Gibanabana nga moabot sa tunga sa milyon ka pesos ang gasto sa kalihukan. (BANAT NEWS)
- Latest
