Sino’ng mas Unang Nagloloko sa Relasyon?

• Siyempre sasabihin kong babae. Pero base naman ito sa experience ko. Sa dalawang nakarelasyon ko, parehong sila ang nagloko. Ipinagpalit ako sa ibang lalaki. Hindi ko naman sila masisisi dahil kasalanan ko rin naman, nawalan ako ng oras sa kanila. Mas priority ko kasi ang trabaho ngayon lalo na’t parehong may sakit ang mga magulang ko.   – Randy, Iloilo

• Sa tingin ko, lalaki ang una at laging nagloloko. Kaunti lang ang babaeng nagloloko sa relasyon dahil by nature raw talagang babaero ang mga lalaki. Mas gusto nila ang maraming kalandian. At siyempre kabaliktaran ang mga babae na loyal by nature. Hindi ko naman nilalahat pero ito ay base sa mga pag-aaral. – Nico, Valenzuela

• Depende rin siguro sa tao talaga ‘yan. Hindi naman kasi in general ang pagiging unfaithful eh. Sa mata ng marami, lalaki ang unang nagloloko pero hindi natin alam at kaunti lang ang nakaaalam na may mga babae ring unfaithful talaga. Masasabi kong sakit ito at hindi normal. Kaya sa tingin ko ang unang nagloloko ay ‘yung may mga hindi magandang karanasan sa kanilang relasyon.

– Arnold, Samar

• Babae ang unang nagloloko hindi lang ito nabubunyag. Marami akong kakilala na babae ang unang nagloko sa relasyon nila. Hindi ko alam kung nagkataon lang ‘yun pero kasi mas marami silang babae ang unang nagloko. Pero sa palagay ko, nasa paghawak din ‘yan ng relasyon.

– Niko, Mandaluyong

• Lalaki naman talaga ang may lakas ng loob na manloko ng kanilang karelasyon eh. Marami nga na kahit may asawa na eh nakikipagrelasyon ulit sa iba. May iba pa akong malalalang kakilala na sa lalaki nakikipagrelasyon! Kaya talagang naniniwala ako na lalaki ang unang nagloloko.

– Marcus, Cavite