Mighty Pilipinas tagak na sa Dubai
CEBU, Philippines - Dili maayo ang kampanya sa Mighty Sports Pilipinas karong tuiga gumikan kay wala sila kataak sa sunod nga round human matagak sa Dubai International Basketball Championships didto sa United Arab Emirates.
Ang Mighty nga gibidahan sa mga PBA players, amateur standout ug imports nanamilit sa torneyo human sila makahiagum sa ikaupat nilang sunod-sunod nga pilde.
Gipilde sila sa Homenetmen Lebanon sa iskor nga 100-91.
Doble ang demalas nahiaguman sa Mighty tungod kay nakaangkon og injury sa kamot ang collegiate standout nga si Kiefer Ravena.
Nangulo sa Mighty sa maong kapildihan mao si Justin Brownlee sa iyang 20 puntos, samtang si Gary David mitapos og 19 puntos ug ang kanhi PBA cager nga si Willie Miller mitampo og 17 puntos.
Ang Lebanese gipangulohan sa import nga si Mike Tayler nga mirehistro og 29 puntos, samtang si Fadi El Khatib adunay 15 puntos. (BANAT NEWS)
- Latest