PBA Finals sugdan na
CEBU, Philippines - Mag-abot na ang sister-team Barangay Ginebra ug San Miguel Beermen alang sa Game-1 sa “best-of-seven” finals series sa PBA Philippine Cup didto sa Mall of Asia Arena.
Ang duwa sugdan sa alas-7 karong gabii. Karon pa lang sugdan ang ilang “best-of-seven” apan si Ginebra coach Tim Cone mitug-an nga magpaabot sila alang sa usa ka taas nga serye batok sa defending champion San Miguel.
Sama sa ilang nasinati sa semis batok sa Star Hotshots, si Cone nagkanayon nga gilauman niya ang lisud ug makutas nga serye ilabi na nga ang powerhouse nga San Miguel ilang ikaharong.
Si Cone, kinsa laraw nga mopalig-on pa sa iyang legasiya isip coach nga adunay labing daghan nga PBA title nga 19 ka korona. Apan wala niya kini huna-hunaa pa tungod kay gipalabi niya karon ang pagpangita og paagi unsaon nila pagpukan ang Beermen.
Matud pa ni Cone nga dili ikalimod nga sila ang “underdog” sa serye. Sa pagkawala ni Greg Slaughter, si Cone miingon nga problema niya mao ang pagpugong sa three-time MVP nga si JuneMar Fajardo. Maningkamot usab ang Ginebra nga ilang mapugngan silang Chris Ross, Marcio Lassiter, Alex Cabagnot ug Arwind Santos.
Ang Ginebra maglaum nilang Scottie Thompson, LA Tenorio, Joe Devance, Japeth Aguilar ug rookie Kevin Ferrer. (BANAT NEWS)
- Latest