Gusto nga ipausab ang nationality sa birth certificate
Dear Atty. Divine,
Duna ko’y pangutana labot sa akong Birth Certificate kay Chinese man ang nabutang nga nationality. Gusto unta nako nga ipausab ang akong nationality from Chinese to Filipino, kay ang akong mama Filipino man. Unsay akong buhaton aron mausab ang akong nationality? Daghang salamat. — Frank
Dear Frank,
Kun mag-usab ka sa entry sa imong nationality sa Birth Certificate, moagi gyud kini sa Court. Adto kini nimo i-file sa korte nga diin ka marehistro. Gawas sa imong Petition, imo usab nga i-attach ang proof nga ang imong mama usa ka Filipino sama sa iyang Birth Certificate ug Passport.
Mokuha sab ka og Court Clearance, NBI clearance ug Police clearance as proof nga wa kay pending criminal cases. Ang maayo nimo nga buhaton karon mao ang pagduol sa imong abogado aron iyang maandam ang imong Birth Certificate ug ang mga dokumento nga angayan nimo nga isukip sa Petition. Thanks and God bless!- Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest