Ang doktor nga may brain tumor (4)
Kasumpay sa mga listahan sa mga pagkaon nga moaway sa kanser ug tumor (cancer fighting foods).
* Mga ‘isoflavones’ – sama sa pagkao’g soya (whole soya beans). Sa pamahaw kun naandan ang kombensyonal nga gatas, pulihi og ‘soy milk’ o ‘soy yogurt’. Kaon sab sa tofu, tempeh, misoh nga sinabawan o gisangag. Makasanta kini sa mga kanser. Pwede moinom sa suplemento ini pero menus ang epekto.
* Tambok sa isda – menus sa risgo sa kanser, kadtong hingaog isda. Bisan ka duha kada semana, makapakupos na ni sa tumor. Pili-a ang gagmay’ng isda nga tambok, kay menus ni sa metal (lead, mercury) kontaminasyon. Grabe ka toksik ang dagkong isda sa lawod. Ok rang mackerel, salmon, sardinas nga gipreserbar sa ‘olive oil’, o sa ‘sunflower oil’. Ayaw iprosen ang lab-as nga isda.
* Mga berries ug ubang prutas – sama sa strawberries, ug ubanpa, nagbaton ni’g daghang ‘polyphenols’ ug ‘elagic acid’ nga mao’y mopugong sa kanser ug tumor. Hasta ang prutas nga orange, lemon, grapefruit, etc., ang ‘flavanoids’ ini mao’y modetoks sa mga (carcinogins) selyulang kanser.
* ‘Dark chocolate’ – ang purong tsokolate, dili ang ‘milk chocolate’ kay makabalda kini sa epekto sa ‘polyphenol’ nga santaon ang kanser ug tumor.
Sa konklusyon ni Dr Screiber, gikinahanglan man ang pag-ayo sa kanser ug tumor pinaagi sa operasyon (surgery), chemo o mga kombensyonal therapies, apan ang pagsalikway sa mga nutrisyon nga ‘anti-cancer foods’, mao’y usa ka yabag nga ideya, aron unta masustinihan ang mas malungtarong kaayohan.
Niya pa, sa katapusang ‘cancer ug tumor screening’ sa iyang kaugalingon, uban sa kaluoy sa Dios, mga walo ka tuig nang nakalabay hangtud karon buhi pa.
- Latest