Win No.12 asam ng La Salle

MANILA, Philippines – Tatargetin ng De La Salle University ang kanilang pang-12 sunod na panalo sa Season 79 ng UAAP men’s basketball tournament.

Lalabanan ng Green Archers ang Red Warriors ng University of the East nga­yong alas-2 ng hapon ka­sunod ang bakbakan ng National University Bulldogs at University of the Phi­lip­pines Maroons sa alas-4 sa Smart Araneta Coliseum.

Nagmula ang La Salle sa 43-point win, 99-56, sa Uni­versity of Santo Tomas no­ong nakaraang Linggo.

Ang panalo sa Red War­riors ang maglalapit sa Green Archers sa pambihi­rang 14-game sweep na mag­bibigay sa kanila ng out­right finals berth.

Ipinakita ng La Salle ang kanilang lakas sa nasabing pagdurog sa UST sa fourth quarter nang isabak ang mga malalaking sina Cameroonian Ben Mbala, Fil-Ams Abu Tratter, Julian Sargent, Jason Perkins at Pampanga-born Mark Dyke.

“We want to show what this team in capable of and stay unpredictable as how coach wants it,” sa­bi ni Louie Gonzales, ang first as­sistant ni head coach Al­din Ayo.

Desperado naman ang UE na makasilip ng tsansa sa isa sa huling dalawang silya sa Final Four.

“Mathematically, until the (higher ranked) teams get seven wins, we still have a shot. For sure, we’ll still play hard and go for the win, no matter what hap­pens,” wika ni Red War­riors’ mentor Derrick Pumaren.

Nauna nang tinalo ng La Salle ang UE sa first round, 84-78, kung saan napatalsik sa laro si Ayo at napatawan ng one-game sus­pension.

Ito ay dahil sa paghabol ni Ayo na maisuot sa refe­ree ang isang salamin bu­nga ng isang non-call.