Naniniwala si Cone sa sistema ni Reyes

LAPU-LAPU CITY, Philippines – Naniniwala si two-time PBA grand slam champion coach Tim Cone, eksperto sa triangle offense, na ang dribble-drive motion offense ni Gilas coach Chot Reyes ay isang sandatang magiging epektibo para sa Team Phl-Gilas sa pagsabak sa international  tournaments.

Nakikita ni Cone, nagdala sa Philippine Centennial team sa bronze-medal finish noong 1998 Asian Games sa Bangkok, ang magandang dulot ng ipinapatupad na sistema ni Reyes at ang basic principles na huwag masyadong umasa kay reigning three-time PBA MVP June Mar Fajardo.

Naka-focus ang sistema na pareho ng sistema ng Gilas Pilipinas team sa pagkampanya sa 2014 FIBA World Cup, sa pagkakalat ng offensive players sa half court para makatulong sa dribble penetration ng backcourt players.

Sa Gilas-PBA Mindanao showdown sa Cagayan de Oro, kapansin-pansin na hindi gaanong humawak ng bola si Fajardo.

“I watched the game with Jorge (Gallent) and we saw June Mar go up and down the floor in a long stretch without touching the ball,” sabi ni Cone.

Ngunit nakikita ng multi-titled coach, nandito sa Cebu bilang coach ng PBA Cebu All-Star team na haharap sa Gilas, na counterproductive ito para sa team sa paniniwalang nagiging reyalistiko lamang si Reyes.

“June Mar won’t be dominating in Asia as he is in the PBA,” sabi ni Cone.

Laban sa China, Iran at maging sa Korea, tatapatan si Fajardo ng mga seven-footers. Pagkatapos ay may mas malalaking player pa ang Australia at New Zealand, mga dominant teams sa Oceania region na isinama na sa Asian teams sa FIBA Asia Cup.

Wala namang problema ito kay Fajardo.

“I have to adjust and I’m ready to adjust to fit in the system,” sabi ni Fajardo, pamilyar na sa dribble drive motion offense na kanilang ginamit sa runner-up fi-nish laban sa Iran noong 2013 FIBA Asia Championship.

Kahit hindi sa kanya naka-focus ang opensa, ang San Miguel Beer star center ay tumapos ng 16 points at 15 rebounds sa kanilang 114-114 draw ng PBA Min-danao team noong Miyerkules.

Habang sinusulat ang balitang ito, kasalukuyang naglalaban ang Gilas at PBA Cebu All Star sa Lapu-Lapu City kagabi.