Pulse Asia survey: Mayorya ng Pinoy tutol sa Martial Law
MANILA, Philippines – Majority ng mga Filipino ay tutol na ibalik ang Martial Law para lutasin ang problema ng bansa, ayon sa resulta ng survey ng Pulse Asia.
Lumitaw na 74 percent ng mga Filipino ay hindi payag na ibalik ang Martial Law sa isinagawang survey sa may 1,200 respondents nito mula Disyembre 6-11, 2016 habang 12% naman ang payag at 14 ang undecided.
Ang mga respondents na edad 18 pataas ay tinanong ng: “Pakisabi lamang kung kayo ay (payag o hindi) sa bawat isa sa mga pangungusap na ito. Sa tutuo lang, maaaring kailangan ngayon na magkaroon ng batas militar o martial law para malutas ang maraming krisis ng bansa.”
Umabot sa 81 percent sa Metro Manila residents ang tutol sa Martial Law kumpara sa Visayas na 65 percent.
Ilang ulit na ring sinabi ni Pangulong Rodrigo Duterte na wala itong balak na magdeklara ng Martial Law dahil hindi ito ang makakalutas sa problema ng bansa partikular sa illegal drugs, krimen at corruption. (
- Latest
