Wala pay kontrata
Samtang atong gikalipay ang resulta ni Presidente Digong Duterte sa China, nga nagdala og daghang kaayohan pagbalik niya nganhi sa nasud … bali’g 24 bilyones ka dolyares nga capital ug mga credit line pledges … pagbubo og medyo maghuwat pa kita’g dugaydugay una mahingpit ang atong kalipay.
Of course, nindot ni nga tilimad-on tungod kay daghan kita og mapaabot nga mga dagkong kaayohan gikan sa China … mga pahulam og pagbubo sa langyaw’ng capital alang sa patigayon ug imprastraktura.
Apan, giingon dinhi nga wala pay kontrata nga napirmahan tali sa atong nasud ug China. Ang nahimo mao pa ang memorandum of understanding (MOU) … sa ato pa, sabut-sabot pa og mga pledges. Meaning, dili pa mapatuman ugma dayon o sa sunod adlaw.
Specifically, gi-pinpoint ang Bases Conversion Development Authority (BCDA) nga maoy motrabaho sa mga segment sa Metro Manila Bus Rapid Transit-Edsa Project, ug sa Bonifacio Global City-Ninoy Aquino International Airport.
Ang mong mga MOU nag-require paghimo og feasibility study … mga pagtuon sa dili pa ang pinirmahay sa kontrata ug implementasyon sa proyekto. Kana, kun maaprobahan ang resulta sa feasibility study nga gihimo. Ug kini dili sayon ug dili madali.
Mahitungod sa MOU, si Vince Dizon, presidente ug CEO sa BCDA, nagkanayon: “It is by no means an award of the contract. We are very far from that point in the process. We are still at Step 1.”
Hinoon, kining maong mga proyektoha, aprobado na sa NEDA, ug lagmit, gihimo na ang feasibility study. Apan, mao ra man nga tungod kay sila ang tag-iya sa kwarta, sila sa China ang mohimo sa feasibility study.
Whatever, huwat lang gyud ta. Ilang target nga mapatuman kining tanan sulod sa administrasyon ni Duterte. Sa ako nang giingon, at least, duna kitay seguro nga paabuton nga mga kaayohan gikan sa China … ug gikan sa Japan. Ug sa ubang kasilinganan natong mga nasud dinhi sa Asia nga duawon unya ni Duterte. Mga kaugmaran kini nga wala buhata sa nag-unang mga presidente sa nasud kay lagi, ang America ray atong gisaligan.
In fairness hinoon sa America, bisan tuod og gisigihan na nato pag-away, giingon dinhi, atong kutloon: “Phl still largest recipient of US AID in Asia-Pacific.” $66 milyones ang atong nadawat nga military assistance sa miaging tuig.
Matud ni Ambassador Philip Goldberg, “The Philippines was the largest recipient because it’s our friend and ally.” Sa ato pa, friend lang gihapon ta sa America.
- Latest