Entertainment Skinning Left, pagematch: , sectionmatch: 1
Entertainment ( Leaderboard Top ), pagematch: 1, sectionmatch: 1

‘What the Pak!’

‘SA PANAGINIP MO LANG MAKIKITA ANG HINDI MAKITA KAPAG GISING!’ (Longganisang Maong, Dagang Denims) — Hinayupak ba o walang impak? WHAT THE PAK!

Ano raw sa English “Ano ba ang paki n’yo?!”?

Actually TAGLISH, eh di WHAT THE PAK sabi ko!

Pakialam as a noun ay pwede ring PLEASE KNOW!

Ah basta, matagal na kaming TAGLISERO!

 

One day pumasok na lang sa aking isipan

Entertainment ( Article MRec ), pagematch: 1, sectionmatch: 1

Nang magbalik-tanaw sa aming kabataan

Noong Seventies sa telebisyong larangan

Ang isang tanong na ang sagot ay … MALAMANG!

 

‘Di kaya isa kami sa nagpasimuno

Ng TAGLISH dahil mahilig kaming maglaro

Ng mga salitang pinaghahalo-halo?

PWEDE! Eto kasi ilang mga pakulo —

 

Title ng unang TV show nami’y OKAY LANG!

“Spicks and Specks” pa nga ng Beegees ang aming theme song,

“APRUB!” pinauso namin dun na expression!

Pinoy the spelling but English pronunciation!

 

Pinoy spelling of English words ‘di tinantanan,

Nung ’78 ISKUL BUKOL pinasukan!

Kung bakit Ingles-Tagalog? Aking katwiran —

Upang Class A-B-C-D-E masasakupan!

 

At bakit hindi’t may lakip pang katuwaan,

Lahat kasali at iyo bang kaibigan!

Kung tutuusin usapan ay gumagaan,

Totoo at tila lamang nagbibiruan!

 

‘Yung ONE BALL ng madyong naging WANBOL ba naman!

‘Yan ‘yung university naming pinasukan!

“Mahjongg is forever!” kasi aming sandigan,

Kung kaya nga ESCALERA aming pangalan!

 

Helen KANG  nga kay Tito na love interest!

Meron pa ngang character apelyido’y FLORES!

May TODAS pa ngang show tuwing Miyerkules!

“To die is to rest but to play mahjongg is the best!”

 

‘Di naman s’ya sikreto pero ‘yan sinundan,

Hanggang sa EAT, BULAGA nga ay isinilang!

Taglish and like mahjongg… EAT “forever word” din ‘yan!

Effective? 38 years na and still going strong!

 

Hindi ko alam kung nagkataon lamang

Dahil kung EAT ngayon, noon ay may CHOW naman!

Halu-haluin salita at paglaruan

Katulad din ng larong madyong… may HALUAN!

 

Sa komedya rin kasi ay bahagi na ‘yan,

If you make rambol in Taglish there is tawanan!

Don’t be afraid to mix-mix there is tsamba minsan!

If you kapos in English… sobrang thank you na lang!

 

Ang WOW, MALI! ay katulad lang ng OKAY LANG,

Go play with words, kumbaga that’s comedy’s Grade One!

Ngunit sa totoo meron ‘yang kasaysayan

Kung bakit ako direksyon ng utak ganyan!

 

Ako talaga’y hindi ma-Ingles na tao

Pero kwidaw at ‘di mo ako maloloko!

TAGLISERO na ako sapul kolehiyo!

Mula SIXTIES dila’t utak ‘yan na tinakbo!

 

Kitang-kita ebidensya sa ANG POET N’YO,

At ang EAT, BULAGA sa tingin n’yo ba’y ano?

At kung bakit pinili kong magkaganito?

Well, isang “lesson in life” pinagmulan nito!

 

Gitna ng Dekada Sisenta ang panahon,

Nagkaron ng Oratorical Competition,

Malalaking unibersidad nandoroon,

Ang pambato ng U.E. — si JOEY DE LEON!

 

Tungkol kay Rizal ang Oratorical Contest,

Naturalmente ang salita ay sa English,

Ang theme pa yata ay “Young Man Go Into Business,”

S’yempre sa gestures, diction at boses nag-polish!

 

Op kors lahat ng kasali ay nakaporma

At kalahati yata’y mga  colegiala,

Isa-isang bumanat, kanya-kanyang drama,

Solid Inglesero at mga Inglesera!

 

At nang taga-La Salle na ay pinakilala,

Paglapit mikropono nililis manggas n’ya!

At nang tumira may mga Taglish na linya!

She was playing baraha! Pangginge, my lola!”

 

‘Yang mga ganyan noon ay bago sa tenga!

At higit sa lahat brusko pa ang dating n’ya!

Taglish at kalyehero pa timpla at asta,

Ako’y nangiti… napatawa… napanganga!

 

Malamang sa hurado ito rin ay una!

At ‘di kayo nagkamali s’ya nga nanguna!

Kaya mula noon niyapos ko’y ganyan na

At paniwalang ‘di masamang maging iba!

Entertainment ( Article MRec ), pagematch: 1, sectionmatch: 1
  • Follow Us:
Entertainment Skinning Right, pagematch: , sectionmatch: 1