Under Armour 3x3 caging mosikad na
CEBU, Philippines - Miabot ngadto sa 71 ka teams ang magtige alang sa kampiyonato sa Cebu leg sa Under Armour 3x3 Tournament nga mosikad na karong adlawa diha sa City Sports Club-Cebu gym.
“This is the brand’s contribution to the development of basketball particularly in Cebu and in the Philippines in general,” matud pa ni UA tournament commissioner Joe Lipa.
Ang Cebu champion sa Under-18 category ipadala sa Manila aron makigharong batok sa top 3 teams gikan sa National Capital Region. Ang mananaog maoy makaangkon og katungod nga morepresentar sa Pilipinas sa FIBA 3x3 Asian Championships didto sa Malaysia.
Usa ka simpleng seremonyas sa pagbukas ang ipahigayon sa dili pa sugdan ang kumbati sa alas- 10 sa buntag.
Ang makampiyon mobulsa og 1,000SG$ (P35,000), samtang ang mopahiluna sa ikaduha ug ikatulong dapit modawat og 600$SG (P21,000) ug 400$SG (P14,000).
Gipasiugdahan sa Under Armour Southeast Asia inabagan sa Cebu Schools Athletic Foundation, Inc. (CESAFI), ang duha ka adlaw nga torneyo gipaluyohan sab sa Wilson, De los Santos Medical Hospital, Crystal Clear ug City Sports Club. (BANAT NEWS)
- Latest