Donaire nangita’g bag-ong promoter
Miangkon si Donaire nga ang maong lakang kabahin sab sa iyang tinguha nga makaaway na siya og balik sa labing dali nga panahon.
Sa dihang nahinabi ni Steve Kim sa boxingscene.com, ang asawa ni Donaire nga si Rachel mitug-an nga nagsugod na sila karon og sabot-sabot niadtong mga interesado nga mokuha ni Donaire.
“We’ve been having a lot of meetings. I’ve met a lot of interesting people and the landscape of boxing is very deep with a lot of opportunities,” matud pa ni Rachel.
Ang 34-anyos nga si Donaire wala na makaaway pa sukad nalangkatan sa iyang WBO super bantamweight title ni Jessie Magdaleno niadtong Nobiyembre sa miaging tuig.
Human mapakyas pagkuha og “rematch” ni Magdaleno ug ingon man sa tinguha sa Top Rank nga iparang siya ni WBO featherweight champion, si Donaire nakahukom nga mobiya sa kompaniya nga gipanag-iya ni Arum.
Si Rachel nagtuo nga ang iyang bana usa gihapon ka bitoon sa boksing nga dunay daghang sumusunod ug hugopan sa fans sa higayon nga moaway.
Nagplano sila nga mopirma og kontra uban sa bag-ong promoter sa mosunod nga duha ka semana kay ilang tuyo makaaway na si Donaire karong bulan sa Hunyo o dili ba kaha sa Hulyo. (BANAT NEWS)
- Latest
