Limang buwang tiyan ni Kylie ‘di pa rin halata

Excited na nagpa-check up si Kylie Padilla sa kanyang OB-gyne last Monday sa St. Lukes kasama ang boyfriend na si Aljur Abrenica.

Hindi raw halata ang five months na tiyan ni Kylie sa ospital dahil maluwag ang blouse nitong suot. Parang lumulutang sa ere si Kyle na tuwang-tuwa sa kanyang pagbubuntis at hindi mapakali sa kanyang upuan. Hanggang sa pagtitimbang daw ay naka-smile ito sa kahit kanino.

Super cheerful daw ang aura ni Kylie na mukhang happy at alagang-alaga.

Samantala, hindi maalis na mag-comment ang ilang netizens na wala raw talagang takot si Aljur kay Robin Padilla na tatay ni Kylie.

Balitang hanggang ngayon ay hindi pa rin daw kinakausap ni Aljur ang kanyang magiging father-in-law.

Maaalalang noong unang maghiwalay sina Kylie at Aljur ay bad shot na ang aktor kay Robin.